2014 九州鐵道遊 11-08

2014-11-08

香港-->福岡空港

九點半到達機場準備check in ✈

由於班機over booked 的關係…我地又無做網上check in ...所以地勤姐姐話我地有機會上唔到原本11:10am班機，有機會要坐下一班3:30pm 班機去福岡(*´>д<)。。。。

地勤姐姐俾左兩張餐券叫我地去飲杯咖啡先，等佢電話confirm。。。

就係咁我地就拎住$75x2 的餐券去揾早餐食。由於周圍都好多人，最後都係去無咩人的星巴克點了兩杯綠茶鮮奶，三文治同鬆餅補多六蚊。

食到一半就收到地勤姐姐的電話，話好可惜今日班機真係無晒位offer 我地轉3:30pm國泰個班機，upgrade 去商務艙及每人補多一千蚊現金。\(￣< ￣)> 最後我地無奈地接受左…但check in時先知國泰班機要轉飛台灣…............⊙﹏⊙…九點先到福岡。。。

無可奈何地，我地行左個就上去國泰個Longe 度休息同食野，食完又食…… 終於等到三點上機。


第一次坐商務位，但估唔到係咁的情況下坐。 今次終於唔使睇機翼，個view 好正，一坐扺就有welcome drink ,又主動俾毛毯，起飛前已經俾定個meun我地睇，商務位的食物質素非常好。

由於飛機停台灣，所以上機後的事我地經歷了兩次(￣< ￣)>......而今日食左咁多野都唔使俾錢。。

日本時間九點半終於落地，第一時間衝落機去過關拎行季，過埋海關就去排隊坐免費車去國內線轉地鐵去博多站， 架以超龜速安全地送我地到達國內線客運站。

坐三站就到博多站好方便，落車後就向中央口方向去買JR pass,同埋換車飛。(∩＿∩)

出發前已經填定JR Pass 張表格，去到櫃台好快就買到五天北九州 JR pass $9260yen , 但原來換票要再填另一張表。。(´･_･`)我地print out 的佢地唔會睇。。。填完大輪先發現由布院之森得返下午時間(>﹏<)..

打亂晒我地的行程，換左啲換得到的車票先，返左酒店再plan 過行程。

是日入住 The b Hakata酒店，離博多站只有十五分鐘車程，乘坐市電幾個站就到，落車行五分鐘就到。

放低左行季我地就出去揾野食，由於今日已經食左好多餐所以想揾啲輕食同埋買定聽日早餐，行行下就見到酒店附近有間屋台。

點了一客關東煮和啤酒$1000yen, 啲羅白好入 味(　^ω^) 食完就返酒店休息。

第一日完。